No contexto da economía global actual, as empresas actuais deben buscar constantemente métodos e accións que permitan incrementar a sua capacidade competitiva e, deste xeito, sobrevivir. Neste sentido a enxeñería de coñecemento é cada vez máis popular en negocios como a distribución comercial, seguros, análise de risco en banca, etc.

Esta materia realiza unha análise práctica e aplicada das tecnoloxías de analise do coñecemento para a súa aplicación á mellora competitiva empresarial.

As certificacións profesionais son o instrumento de garantía de adquisición de competencias máis empleado polos profesionais actuais unha vez rematada a etapa académica. Algunhas destas acreditacións expedidas por empresas de gran relevancia gañaron moita popularidade nos últimos anos (Cisco, Microsoft, Oracle ou VMWare).

Os contidos desta materia equipáranse cos módulos terceiro e cuarto do curriculum CISCO CCNA Exploration nos que se imparte formación sobre encamiñamento intermedio e conmutación así como teoría de redes WAN. Por outra banda, esta materia será impartida por instructores CISCO.

Nos últimos anos, a Dirección e Xestión de Proxectos foi recoñecida como unha profesión independente dentro da estrutura organizacional. Esta profesión conta cos seus propios colexios e organizacións (www.pmi.org ou www.ipma.ch) e con un crecente corpo de técnicas e ferraamentas, habilidades, competencias e procedementos.

Nesta materia esporanse e adquiriranse as competencias sobre Dirección e Xestión de Proxectos establecidas no Project Management Institute e que son a base dos coñecementos e habilidades necesarias para a obtención da Certificación Internacional PMI.

A industria de contidos dixitais representa máis da metade da facturación total dos contidos e servizos audiovisuais que se consumen no noso país. Segundo o Observatorio Nacional das Telecomunicacións e da Sociedade, o 93% do negocio corresponde aos videoxogos, no cal, estase experimentando un gran crecemento do contido online debido ao ocio interactivo baseado na “nube”. Estes contidos interactivos teñen unha gran compoñente gráfica.

Nesta materia presentaranse as tecnoloxías máis punteiras para a creación, edición e distribución de contidos gráficos interactivos independentemente do dispositivo e de si o contido é online ou non.

As aplicacións de xestión empresarial forman parte do núcleo das medianas e grandes empresas do noso país, así como as Administracións públicas. O deseño e implementación destas aplicacións e a explotación da información mediante business inteligence son unhas das disciplinas máis demandada por estas empresas que manexan grandes volumes de información.

Esta materia capacita ao alumno para estas tarefas, mediante a realización práctica deste tipo de proxectos software, seguido metodologías áxiles e programando con frameworks empresariais punteiros (Java EE, Hibernate, ZK Framework, JSF,...), así como no uso eficaz de ferramentas de business inteligence.

Unha boa parte da facturación das empresas TIC galegas provén dos contratos con administracións públicas e grandes empresas acadados mediante os procesos de licitación pública ou privada. Actualmente, para plantexar con éxito unha oferta neste tipo de procesos é necesario implementar metodoloxías de calidade dos procesos e contar con certificacións dos mesmos xa que é habitual que formen parte dos requisitos de participación ou dos criterios de avaliación das ofertas.

Esta materia conten a formación para que o alumno entenda a necesidade da calidade nos procesos e a súa implantación sendo posible a amplicación da formación neste ámbito cursando o módulo de Calidade de Procesos e Servizos Informáticos do segundo curso.

Con certa frecuencia, a prensa fainos partícipes de incidencias informáticas polas que é posible ser víctima roubos ou enganos.

Estas incidencias teñen un impacto negativo na imaxe das empresas e derivan en moitos casos en responsabilidades legais. Esta materia invita ao alumno a facer un percorrido ámplo sobre as principais áreas de seguridade dos sistemas informáticos e as súas solucións.

Hoxe en día, a capacidade competitiva das empresas, especialmente daquelas relacionadas co sector das TIC, está decisivamente condicionada pola forma en que dirixen e xestionan a innovación tecnolóxica.

Esta materia pretende axudar aos alumnos a adquirir os coñecementos, capacidades e habilidades básicas para poder levar a cabo unha análise das necesidades tecnolóxicas da organización, tendo en conta a posición da competencia, o estudo da contorna, así como os recursos públicos e privados que poida obter por parte do sistema de I+D+I. A materia debe contribuír, en especial, a que os alumnos comprendan a necesidade de fomentar a cultura da innovación na organización.

O crecemento da demanda de alta capacidade de computación e o aumento dos recursos hardware están a provocar a popularización de entornos de computación numérica paralela. Dentro deste campo podemos destacar plataformas de desenvolvemento como MPI, OpenMP ou CUDA. Por outra banda, o desenvolvemento de grandes sitios web cunha alta demanda de usuarios (como algunhas redes sociais ou buscadores) introduciu na World Wide Web necesidade de desenvolver técnicas para combinar a potencia computaciónal distribuida por varios equipos informáticos. Este feito alimentou a popularidade de produtos de computación distribuída con propositos dispares como Mysql Cluster, Apache Cassandra, HAProxy, Apache Hadoop, LinuxHA, etc.

Esta materia presenta un paseo práctico polas distintas ferramentas e tecnoloxías empregadas para a construcción deste tipo de sistemas.

Non se pode concebir ningún sistema web actual sen mencionar conceptos e tecnoloxías como Mashups, Ajax, CSS ou frameworks como jQuery o MooTools. Coñecer e manexar este tipo de tecnoloxías de integración permitirá a creación de aplicacións web máis atractivas.

Esta materia fai un repaso das tecnoloxías habituais para o desenvolvemento de sistemas web de gran calidade.

Deberase escoller unha das seguintes ramas:

SEGURIDADE INFORMÁTICA EN SISTEMAS EN REDES
Seguridade e redes
Seguridade e administración de sistemas operativos

INVESTIGACIÓN EN ENXEÑERIA INFORMÁTICA
Liñas de investigación e informática
Ferramentas básicas para a investigación

DESENVOLVEMENTO DE GRANDES SISTEMAS SOFTWARE
Xestión da configuración do software
Enxeñeria de sistemas de información

Realización do Proxecto Fin de Máster.

Realización das prácticas profesionais obrigatorias en empresas.